Questions Society Questions Society

آخر الأخبار

جاري التحميل ...

ما هي النظرية النسبية ؟


المقالة هي مقدمة بسيطة عن النظرية النسبية والقوانين الخاصة بيها

والنسبية عبارة عن نظريتين الاولي نظرية النسبية العامة
والتانية نظرية النسبية الخاصة، والنظريتين بيعتمدو علي مبدا النسبية اللي وضعه "جاليليو جاليلي" عام 1636،



والمبدا ده بيقول ان مفيش حاجة مطلقة في الكون وكل حاجة نسبية يعني مثلا ثباتك علي الارض ثبات نسبي بموجب ان الارض نفسها بتدور حول الشمس وثبات ثبات نسبي بموجب ان الشمس بتدور حول مركز المجرة وهكذا. النظرية النسبية غيرت كتير جدا من المصطلحات الأساسية في الفيزياء وعملت نقلة كبيرة جدا في الفيزياء النوعية وعلم الفلك، وحولت كمان مفهوم الزمان من انه مطلق وبيمشي لقدام دايما زي النهر اللي بيجري في اتجاه واحد، الي شئ نسبي بالاضافة لدمجه مع الابعاد الثلاثة اللي هم (الطول والعرض والارتفاع)، ومعني كدا ان الوقت بعد رابع، يعني الشخص زي ما ليه طول وعرض ليه وقت، وزي مبيختلف الطول والعرض من شخص للتاني كمان بيختلف الوقت يعني الساعة اللي بتعدي بالنسبة لي غير اللي بتعدي بالنسبة ليك وهكذا، ونوصل من كده الي ان الزمان والمكان شئ موحد مفيش بينهم اختلاف وده بيعرف ب(الزمكان)، طيب نيجي للاشياء اللي بتاثر علي الوقت ومن اهم الاشياء دي حاجتين السرعة والجاذبية.

أولا جزء في شرح النظرية النسبة هو ,السرعة :
كل مبتزيد سرعة الجسم كل مالوقت بيتباطئ، والعلماء قدرو يثبتو كدا بوضع ساعتين ذريتين احداهما علي الارض والتانية في طيارة، وجدو ان اللي في الطيارة بتدق ابطأ من اللي علي الارض بس بشكل قليل، طبعا علشان السرعة مش ضخمة، طاب امتي هتبقي مؤثرة، لو مثلا انت في مركبة فضائية وبتمشي بسرعة تبلغ 160000 ميل يعني 90% من سرعة الضوء الوقت هيمر عليك ابطا من الوقت علي الارض ب2.2 يعني لو عدي 22 سنة علي الارض هيعدو عليك 10 سنين بس وده بفعل السرعة، وده اسمه تباطؤ الزمن والقانون بتاعه:
 Δt'=Δt/√1-(v^2/c^2)



t=الزمن للي بيعدي عليك وانت ماشي t'=الزمن اللي عدي علي الارض c=سرعة الضوء وهي باختصار constant velocity لان سرعة الضوء ثابتة ملهاش علاقة بالسرعة النسبية. مثال لما فرضنا انك ماشي بسرعة 160000 وعدي عليك عشر سنين هنحسبها نلاقي 10/√1-(160000^2 / 180000^2) = 21.83 يعني تقريبا 22 سنة زي مقولنا بالظبط. نيجي نسأل أينشتاين هل السرعة هتأثر علي الوقت بس يقولنا لا طبعا في حاجة اسمها تقلص الاطوال، يعني ببساطة انت لو ماشي انت وزميلك عكس بعض بسرعة عالية جدا انت كراصد او ملاحظ هتشوفه اقصر من الطبيعي ونحسبها ازاي القانون بسيط وهو: L'=L√1-(v^2/c^2) L' الطول الظاهر ليك انت كراصد L الطول الطبيعي v السرعة النسبية مبينكم √=جذر تربيعي هنيجي لحاجة مهمة جدا، وهي السرعة النسبية نفترض ان في جسمين بيسيرو عكس بعض كل جسم بسرعة 100000 ميل في الثانية، هنحسب السرعة بينهم بالقانون المعروف اللي هو v=v1+v2 هنلاقيها 200000 ميل/ثانية وبكدا اينشتاين كان غلط لما قال ان مفيش حاجة اسرع من الضوء، يجي أينشاين ويقول ان القانون ده غلط والقانون الصحيح هو V=( v1+v2)/1+(v2*v1/c^2) وبالقانون ده أينشتاين بردو بيثبت إن سرعة الضوء ثابتة ولا علاقة لها بالسرعة النسبية. 


ثاني جزء في شرح النظرية النسبية , الجاذبية :
تاثير الجاذبية علي الوقت العلماء اثبتوه بوضع ساعتي ذريتين واحدة علي ارتفاع عالي والتانية قريبة من سطح الارض لقو ان اللي اقرب لسطح الارض بتدق ابطا من التانية،
 نعرف من كدا ان الجاذبية كل ما ذادت كل ما الوقت بقي ابطئ، يعني لو كنت بتدور حول ثقب اسود بفعل الجاذبية الضخمة بتاعته الوقت هيمر عليك بطئ جدا بسبب فعل الجاذبية، وطبعا زي مقلت فرق الوقت هيختلف مع اختلاف الجاذبية...المقال ما هو الا مقدمة للنظرية النسبية .

التعليقات



إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

إتصل بنا

عن الموقع

فريق معرفي يهدف إلى إثراء المحتوى العربي حيث ملجأ للإجابة على كل ما يدور بذهنك من مسائل علمية أو فكرية أو حياتية أو اجتماعية أو طبية أو دينية إلى غير ذلك . يقوم بتنفيذ ذلك نخبة تم اختيارها حسب خبرتها في المجالات المختلفة

زوار المدونة

عدد الزائرين

افضل موقع رياضي متخصص في اعطاء نصائح لهم

افضل موقع رياضي متخصص في اعطاء نصائح لهم
موقع الترينر للتدريبات الرياضية

جميع الحقوق محفوظة

Questions Society

2018